Categories

Additional

Website Language

Active date

უსმანე კამარა თბილისის “დინამოში” ითამაშებს

უსმანე კამარა დინამოში ჩაირიცხა

Image source: 1tv.ge

 

“დინამო თბილისმა” უსმანე კამარას გამოსყიდვასთან დაკავშირებით გორის “დილასთან” მოლაპარაკებები წარმატებით დაასრულა. აღნიშნული ინფორმაცია დედაქალაქური კლუბის ოფიციალურ ვებ-გვერდზე გამოქვეყნდა.

გვინეელმა შემტევმა დედაქალაქურ კლუბთან 3-წლიანი კონტრაქტი გააფორმა.

უსმანე კამარამ 2021 წლის სეზონი განათხოვრების წესით “დილაში” გაატარა. ამ კლუბის მაისურით მან 40 მატჩში მიიღო მონაწილეობა, 10 გოლი გაიტანა და 5 საგოლე გადაცემა შეასრულა.

“დილასთან” ერთად კამარამ ეროვნული ლიგის ბრინჯაოს მედლები მოიპოვა. სხვადასხვა დროს გვინეელ შემტევს ნორვეგიულ “ვალერანგაში”, შვედურ “ესკელსტუნა სიტიში”, “ესკელსტუნასა” და გვინეურ “ატუგაში” უთამაშია. ​

რაც შეეხება უსმანე კამარას სანაკრებო კარიერას, 2015 წლის 17-წლამადე ფეხბურთელთა მსოფლიო ჩემპიონატზე, მას გვინეის ნაკრების შემადგენლობში 2 მატჩი აქვს გამართული.

 

 

 

 

 

 

 

წყარო – fcdinamo.ge

 

დავით უბილავა: “ძალიან შემართებით ვარ და მოტივირებული – მე, მაქსიმალურად დავიხარჯები და წინსვლისთვის ყველაფერს გავიღებ”