Categories

Additional

Website Language

Active date

    • Vbetnews

      Latest Sports News about Football, Basketball, Tennis & Boxing

მსოფლიო რაგბმა ექვსი ერის მატჩების სამსაჯოდ კიდევ ორი ქართველი მსაჯი მიიწვია

შოთა თევზაძე და საბა აბულაშვილი 20-წლამდელთა ტურნირის ორ-ორ თამაშზე იმუშავებენ

Image source: rugby.ge

 

მსოფლიო რაგბმა 2022 წლის ექვსი ერის მატჩების სამსაჯოდ კიდევ ორი ქართველი მსაჯი მიიწვია. შოთა თევზაძე და საბა აბულაშვილი 20-წლამდელთა ტურნირის 2-2 თამაშზე იმუშავებენ – აქედან ერთში, თევზაძე მოედნის მსაჯი იქნება.

19 თებერვალს, 27 წლის მსაჯი რაგბი ევროპის “ალაფაზე” ჰაიდელბერგში, გერმანიისა და ბელგიის ჯახს იმსაჯებს. შოთა თევზაძეს ქართველი გვერდითი მსაჯები ეყოლება, რომელთა ვინაობა უახლოეს მომავალში გახდება ცნობილი.

20-წლამდელთა ექვსი ერის მე-4 ტურში 10 მარტს უელსი საფრანგეთს უმასპინძლებს და მოედნის მსაჯი შოთა თევზაძე იქნება, საბა აბულაშვილი კი კიდიდან დაეხმარება. მე-5 ტურში, 20 მარტს, ირლანდია შოტლანდიას ეთამაშება და თევზაძე და აბულაშვილი გვერდითი მსაჯები არიან.

გასული წლის ნოემბერში, თევზაძემ რაგბი ევროპის 20-წლამდელთა ჩემპიონატზე იმსაჯა და პირველსავე მატჩში, მე-3 წუთზე კოჭის ტრავმა მიიღო, მაგრამ ფინალურ მატჩში პორტუგალიასა და ესპანეთს უმსაჯა.

20-წლამდელთა ექვს ერში გვერდით მსაჯად მუშაობის გამოცდილება აქვს საბა აბულაშვილსაც.

 

 

 

 

 

წყარო – rugby.ge

 

ჰაცუ ბაშოს მე-11 დღე: ტოჩინოშინის სამწუხარო მარცხი ჩიოტაირიუსთან (ვიდეო)