Categories

Additional

Website Language

Active date

მიხეილ ვართანოვი 3×3 კალათბურთში 18-წლამდელთა ევროპის ჩემპიონატის საკვალიფიკაციო ეტაპს მოემსახურება

საქართველოს საკალათბურთო სუპერლიგის მსაჯი, მიხეილ ვართანოვი 3×3 კალათბურთში 18-წლამდელთა ევროპის ჩემპიონატის შესარჩევ ტურნირს მოემსახურება, რომელიც 3-4 აგვისტოს უნგრეთის ქალაქ შოლნოკში გაიმართება.

ეს გახლავთ სამიდან ერთი შესარჩევი ტურნირი, რომლის მონაწილეებიც ფინალურ ეტაპზე გასასვლელად იბრძოლებენ. ფინალური ეტაპი კი, მოგეხსენებათ, 6-8 სექტემბერს თბილისში, რიყის პარკში გაიმართება და მასში ევროპის 12 ვაჟთა და 12 გოგონათა ნაკრები მიიღებს მონაწილეობას.

მიხეილ ვართანოვი გახლავთ საქართველოს ერთადერთი მსაჯი, რომელსაც 3×3 კალათბურთის ფიბას ლიცენზია გააჩნია.

ვართანოვთან ერთად შოლნოკის შესარჩევ ტურნირზე კიდევ 5 არბიტრ იმსაჯებს: სლობოდან ნოვაკოვიჩი (შვეიცარია), ლავინია გეორგე (რუმინეთი), რეგინა პოლიშჩუკი (რუსეთი), ბრიჯიტა შაბაი (უნგრეთი) და ვიაჩესლავ სლუსარი (უკრაინა).

 

წყარო – gbf.ge

3×3 კალათბურთში Georgian Tour 2019-ის ბათუმის ტურის გამარჯვებული MTM გახდა