Categories

Additional

Website Language

Active date

ქინქლაძე ”მანჩესტერ სიტის” ისტორიაში საუკეთესოთა შორისაა (ვიდეო)

Image source: Daily Mirror

 

ვინ არის “მანჩესტერ სიტი” ყველა დროის საუკეთესო ფეხბურთელი? ეს გამოკითხვაა, რომელსაც “ლურჯების” ფანები ათწლეულების განმავლობაში ატარებდნენ.

Manchester Evening News-მა ”მანჩესტერ სიტის” ისტორიაში 50 საუკეთესო ფეხბურთელი დაასახელა. გასაკვირი არ არის, რომ მათ შორისაა ქართველი ფეხბურთელი, რომელმაც 1995-98 წლებში თავისი ბრწყინვალე თამაშით გულშემატკივართა დიდი სიყვარული დაიმსახურა.

50 საუკეთესო ფეხბურთელს შორის გიორგი ქინქლაძე 29-ე ადგილზეა.

”როდესაც პატარა ქართველი ”სიტიში” ჩამოვიდა, მას არავინ იცნობდა, თუმცა ნახევარდაცვაში შესანიშნავი თამაშით გულშემატკივართა გულები სწრაფად მოიგო. ჯადოქარმა ”საუთჰემპტონს” მესის სტილში შესანიშნავი გოლი გაუტანა და 90-იანების ”სიტის” საუკეთესო ფეხბურთელის ჯილდოც მიიღო” , – წერია Manchester Evening News-მა.

შეგახსენებთ, რომ გიორგი ქინქლაძე ”მანჩესტერ სიტიში” 1995-98 წლებში ასპარეზობდა, რა დროშიც მან 122 შეხვედრა ჩაატარა და 22 გოლი გაიტანა.

 

 

 

 

წყარო – manchestereveningnews.co.uk

 

გიორგი შერმადინის “ტენერიფემ” სტუმრად ბექა ბურჯანაძის “ბეტისს” სძლია