კატეგორიები

დამატებით

ენა

Active date

უეფას აღმასრულებელი კომიტეტის სხდომაზე თავმჯდომარის რანგში ლევან კობიაშვილი წარდგა

ლევან კობიაშვილმა შეკრებილებს უეფას ფეხბურთის კომიტეტის შემაჯამებელი ანგარიში გააცნო

Image source: gff.ge

 

11 ივლისს, ევრო 2020-ის ფინალური მატჩის დაწყებამდე, ლონდონში უეფას აღმასრულებელი კომიტეტის სხდომა გაიმართა, რომელშიც მონაწილეობას საქართველოს ფეხბურთის ფედერაციის პრეზიდენტი, ლევან კობიაშვილი იღებდა.

უეფას აღმასკომის სხდომაზე სხვადასხვა აქტუალური თემა განიხილეს, მათ შორის, ევროპული ფეხბურთის მმართველი ორგანოს გადაწყვეტილებით, 2022-23 წლის სეზონიდან, უეფას წევრმა ყველა ქვეყანამ უნდა ჩამოაყალიბოს სტრატეგია ფეხბურთში სოციალური პასუხისმგებლობის (FSR) პროექტებისთვის და აირჩიოს მენეჯერი, რომელიც ამ საკითხებზე იქნება პასუხისმგებელი. თავის მხრივ, უეფა მზად არის მხარი დაუჭიროს ფედერაციებს ყოველწლიურად 2 პროექტის განხორციელებაში, რომელიც თანხვედრაშია უეფას სოციალური პასუხისმგებლობის პოლიტიკასთან, ასევე ზემოთხსენებულ სტრატეგიის განვითარებასა და თანამშრომლების გადამზადებაში.

აღმასკომის სხდომაზე უეფას ფეხბურთის კომიტეტის თავმჯდომარის რანგში მოხსენებით წარდგა საქართველოს ფეხბურთის ფედერაციის პრეზიდენტი. ლევან კობიაშვილმა შეკრებილებს უეფას ფეხბურთის კომიტეტის შემაჯამებელი ანგარიში გააცნო.

უეფას აღმასრულებელი კომიტეტის მომდევნო სხდომა 2021 წლის 22 სექტემბერს მოლდოვაში, კიშინიოვში გაიმართება.

 

 

 

 

 

წყარო – gff.ge

 

 

 

 

 

 

 

ულე გუნარ სულშერი: “შეუძლებელია გაიმარჯვო მარტო, თუ, რა თქმა უნდა, მარადონა არ ხარ”