ყველა მატერიალი
კატეგორიები

დამატებით

პერსონალური

ენა

Active date

— ფეხბურთი

მეექვსე მერვედფინალისტი გაირკვა, “რეალმა” იტალიაში მოიგო და “ლივერპულის” სენსაციური წაგება (ვიდეო)

რეალმა ინტერს მოუგო

Image source: UEFA Champions League

 

ჩემპიონთა ლიგაზე მერვედფინალისტთა რაოდენობა ექვს გუნდამდე გაიზარდა. გუშინ პლეი-ოფის საგზური „სევილიამ“, „იუვენტუსმა“, „ბარსელონამ“ და „ჩელსიმ“ მოიპოვეს, დღეს ჯერ „მანჩესტერ სიტიმ“, ხოლო შემდეგ „ბაიერნმა“.

მიუნხენელებმა A ჯგუფში „ზალცბურგს“ 3:1 მოუგეს, 12 ქულა დააგროვეს და არამარტო მერვედფინალის საგზური, არამედ ჯგუფში პირველი ადგილი გაინაღდეს. მეორე ადგილისთვის კი დიდი ბრძოლა იქნება, რადგან „ატლეტიკო“ ვერ ახერხებს ქულების დაგროვებას და მხოლოდ 5 ქულა აქვს, „ლოკომოტივს“ კი 3.

დღის მთავარ თამაშში “რეალმა“ სტუმრად „ინტერი“ 2:0 დაამარცხა. ედენ აზარმა და როდრიგომ იტალიელებს ორი გოლი გაუტანეს და მეორედ აჯობეს. აღსანიშნავია, რომ „ინტერი“ 2 ქულით ჯგუფში ბოლო ადგილზეა, მაგრამ ჯერშანსი არ დაუკარგავს, მიუხედავად იმისა, რომ „რეალს“ 5, ხოლო ლიდერ „გლადბახს“ 6 ქულით ჩამორჩება.

მოულოდნელი შედეგი დაფიქსირდა „ენფილდ როუდზე“, სადაც „ლივერპულმა“ „ატალანტასთან“ წააგო. ამ გუნდების შეხვედრა იტალიაში ინგლისელებმა 5:0 მოიგეს, მაგრამ საკუთარ მოედანზე 0:2 წააგეს. „ლივერპული“ წაგების მიუხედავად 9 ქულით ჯგუფში ლიდერია, ხოლო „აიაქსს“ და „ატალანტას“ 7-7 ქულა აქვთ.

„ბაიერნი“ – „ზალცბურგი“ 3:1

გოლები: 1:0 ლევანდოვსკი (43), 2:0 ვიობერი (52, ა.გ), 3:0 სანე (68), 3:1 ბერიშა (73)

„ინტერი“ – „რეალი“ 0:2

გოლები: 0:1 აზარი (7, პენ), 0:2 როდრიგო (59)

„ლივერპული“ – „ატალანტა“ 0:2

გოლები: 0:1 ილიჩიჩი (60), 0:2 გოსენსი (64)

 

წყარო – UEFA Champions League

 

საქართველოს ქალთა ნაკრები მალტასთან მატჩისთვის ემზადება

ბაიერნი
ლივერპული
რეალი
ჩემპიონთა ლიგა
  • ყველა
  • გოლები
  • ეროვნული ლიგა
  • კოლექცია
  • მიმოხილვა
  • პრომო
  • სახალისო
ყველა ვიდეო