კატეგორიები

დამატებით

ენა

Active date

ჩხეტიანი “ტორპედოს” ემოციური წერილით დაემშვიდობა (ვიდეო)

Image source: Torpedo Kutaisi

 

კახა ჩხეტიანმა ქუთაისის “ტორპედო” გუშინ ოფიციალურად დატოვა. იმერულმა გუნდმა კი 41 წლის სპეციალისტის ემოციური გამოსამშვიდობებელი წერილი გამოაქვეყნა.

“ძალიან რთული იყო ჩემთვის ამ გადაწყვეტილების მიღება, მაგრამ ალბათ ოდესღაც ყველაფერ კარგსაც აქვს თავისი დასასრული.

მინდა, მადლობა გადავუხადო ჩემს სამწვრთნელო შტაბს და ყველა იმ ადამიანს, რომელიც “ტორპედოში” მუშაობს. მადლობა ყველას, ვინც კარგ და ცუდ პერიოდში ღირსეულად იდგა კლუბის გვერდით.

მადლობა ქუთაისს და იმ ერთგულ გულშემატკივარს, ვის გვერდში დგომის გარეშეც ვერაფერს შევძლებდით. თქვენგან ყოველთვის ვგრძნობდი სითბოსა და სიყვარულს.

მადლობა ყველა იმ ფეხბურთელს, ვისაც ამ სამი წლის განმავლობაში “ტორპედოს” მაისური ეცვა. კლუბის წარმატებაში თითოეულმა მათგანმა თავისი წვლილი შეიტანა, გაჭირვების დროს კლუბის ინტერესები გაითვალისწინა და გვერდით დაუდგა.

კლუბში ახალი ინვესტორის მოსვლის საკითხი ჯერ კიდევ პროცესშია და, ვიმედოვნებ, რომ ყველაფერი სასიკეთოდ დასრულდება. “ტორპედო” აუცილებლად სჭირდება ქართულ ფეხბურთს.

და ბოლოს, მადლობა უფალს აქ გატარებული იმ სამი წლისთვის, რომელიც ყოველთვის ჩემს გულში იქნება. ძალიან მიყვარხართ!” – ციტირებს “ტორპედოს” ვებგვერდი ჩხეტიანის სიტყვებს.

 

 

“ბარსელონამ” “ალავესი” გაანადგურა (ვიდეო)