კატეგორიები

დამატებით

ენა

Active date

“ბაიერნმა” “დორტმუნდი” უხვგოლიან თამაშში დაამარცხა (ვიდეო)

ბაიერნმა დორტმუნდს მოუგო

Image source: Getty images

 

გერმანიის ბუნდესლიგის მე-7 ტურის ცენტრალურ შეხვედრა მიუნხენის „ბაიერნმა“ „დორტმუნდი“ სტუმრად დაამარცხა და ბუნდესლიგის გათამაშებას სათავეში ჩაუდგა.

შეხვედრა დაძაბული გამოდგა, მაგრამ „ბაიერნი“ გაცილებით მაღალი დონის გუნდია და ეს გამოჩნდა. ანგარიში კი „დორტმუნდმა“ გახსნა. 45-ე წუთზე მარკო როისმა გაიტანა, თუმცა ტაიმი მასპინძლებმა მაინც ვერ მოიგეს, რადგან დავიდ ალაბამ მსაჯის დამატებულ წუთებზე გაათანაბრა.

მეორე ტაიმში „ბაიერნის“ უპირატესობა გამოიკვეთა. რობერტ ლევანდოვსკიმ და ლეროი სანემ გაიტანეს და სტუმრები 3:1 წინ გავიდნენ. დორტმუნდელთა რიგებში ერლინგ ჰოლანდმა შეძლო თავის ერთხელ გამოჩენა და ანგარიში შეამცირა, მაგრამ „ბაიერნს“ გამარჯვებაში ხელი ვერ შეუშალა. აღსანიშნავია, რომ ლევანდოვსკის ორი გოლი არ ჩაუთვალეს.

„ბაიერნი“ 18 ქულით პირველ ადგილზეა, ხოლო „დორტმუნდი“ 15 ქულით მესამე ადგილზე იმყოფება.

„დორტმუნდი“ – „ბაიერნი“ 2:3

გოლები: 1:0 როისი (45), 1:1 ალაბა (45), 1:2 ლევანდოვსკი (48), 1:3 სანე (80), 2:3 ჰოლანდი (83)

 

 

წყარო – Bundesliga

 

ლევან შენგელიას საგოლე პასი “ფენერბახჩესთან” (ვიდეო)