კატეგორიები

დამატებით

ენა

Active date

18 ქულა, გამარჯვება და MVP-ის ტიტული. სანდრო მამუკელაშვილის ბრწყინვალე გამოსვლა ამერიკის სტუდენტურ ლიგაში (ვიდეო)

Image source: Seton Hall Basketball

 

წინა ტურში “ჯორჯთაუნთან25 წუთში ჩაგდებული 2 ქულის შემდეგ, სანდრო მამუკელაშვილმა ამჯერად თავის გუნდს “ქსავიერთან” მატჩში ულიდერა და გამარჯვების მთავარი შემოქმედი გახდა.

Big East-ის კონფერენციის მე-5 ტურში სეტონჰოლელმა მეკობრეებმა “ქსავიერ მუშკეტერებს” უმასპინძლეს და დამაჯერებელი სხვაობით – 85:68 დაამარცხეს. მამუკელაშვილი მატჩის საუკეთესო მოთამაშე გახდა. მან გამარჯვებულთაგან საუკეთესო შედეგი დააფიქსირა.

ქართველი ფორვარდი სასტარტო ხუთეულში იყო და მოედანზე 32 წუთი გაატარა, რა დროშიც 18 ქულა, 7 მოხსნა, 3 ჩაჭრა, 2 პასი და 1 დაფარება მიითვალა. სანდრომ 8-დან 4 ორქულიანი, 4-დან 1 სამიანი და 7-დან 7 საჯარიმო ჩააგდო. “მამუს” პასივში 6 დაკარგვა ჰქონდა, თუმცა ნახსენები შედეგიანობის გათვალისწინებით ის მატჩის MVP მაინც გახდა.

სეტონ ჰოლს” Big East-ში ყველაზე მეტი – 4 გამარჯვება აქვს და 1 წაგების გამო პირველ ადგილზე მყოფ, დაუმარცხებელ “ვილანოვას” ჩამორჩება. შემდეგ მატჩს მეკობრეები 3 იანვარს “ბატლერთან” გამართავენ.

 

წყარო – gbf.ge

ევროლიგაში შენგელიას “ცსკას” წარმოუდგენელი სერია გაგრძელდა