Categories

Additional

Website Language

Active date

“დინამო თბილისის” სერბი თავდამსხმელი უზბეკეთში გააგრძელებს კარიერას

ზორან მარუშიჩი ნავბაჰორში გადავიდა

Image source: FC Dinamo Tbilisi ფეისბუკ გვერდი

 

უზბეკური “ნავბაჰორი”, რომელიც ახალი სეზონისთვის თურქეთის ქალაქ ანტალიაში ემზადება, კიდევ ერთი ლეგიონერით გაძლიერდა. “ნავბაჰორთან” კონტრაქტს “დინამო თბილისის” ყოფილი სერბი თავდამსხმელი ზორან მარუშიჩი გააფორმა, რომელიც ეროვნული ლიგის საუკეთესო ფეხბურთელის, საუკეთესო თავდამსხმელის, საუკეთესო ლეგიონერისა და ბომბარდირი გახდა.

საფეხბურთო კარიერის განმავლობაში ზორანს სერბეთის “სლოგაში” (2010-2013, 2015), “ვოზდოვაცში” (2014), “ბორჩაში” (2017), “ტემნიკში” (2017/2018), “სლობოდაში” (2018) უთამაშია, ბოსნია და ჰერცეგოვინის “სლავიაში” (2016), “კრუპაში” (2016), ბელარუსის “დნიაპროში” (2019) და “ნემანში” (2020).

2021 წლის სეზონი ზორანმა თბილისის “დინამოში” გაატარა, 41 მატჩში 17 გოლი გაიტანა და 9 საგოლე გადაცემა გააკეთა.

მარუშიჩის ტრანსფერის საფასური Transfermarkt-ის პორტალზე 450 000 ევროა.

 

 

 

 

 

წყარო – pfcnavbahor.uz

 

ტენერიფე ჩემპიონთა ლიგის საუკეთესო 16-ში მოხვდა – გიორგი შერმადინი ისევ საუკეთესო იყო (ვიდეო)