კატეგორიები

დამატებით

ენა

Active date

ევროპული თამაშების მედლების პრეზენტაცია გაიმართა (ფოტო)

მინსკში მეორე ევროპული თამაშების მედლები წარმოადგინეს.

მინსკის მეორე ევროპული თამაშების დაწყებამდე ზუსტად ერთი თვით ადრე მულტისპორტული ღონისძიების მასპინძლებმა ჩემპიონ-პრიზიორებისთვის განკუთვნილი მედლები წარმოადგინეს.

მედლის კორპუსი ჩამოსხმულია სპეციალური შენადნობისგან – ტომპაკისგან. სამივე ხარისხის მედლის დასამზადებლად გამოყენებულია ოქრო, 999 სინჯის ვერცხლი და ბრინჯაო.

ერთი მედლის დამზადების პროცესი დაახლოებით 20 საათი გრძელდება. მედლის წონა 540 გრამს შეადგენს, დიამეტრი – 9,5 სანტიმეტრს, ხოლო სისქე –1 სანტიმეტრს.

აღსანიშნავია, რომ მედლის დიამეტრი – 9,5 სანტიმეტრი შემთხვევით არაა შერჩეული – ბელარუსის მოსახლეობა 9,5 მილიონი ადამიანისგან შედგება.

მინსკის მეორე ევროპული თამაშებისთვის დამზადდება 1084 მედალი, აქედან 329 ოქროსი, ამდენივე ვერცხლის და 426 ბრინჯაოსი. ჯილდოებზე ამოტვიფრული იქნება სპორტის სახეობის დასახელება და შესაბამისი დისციპლინები, რომლის წარმომადგენლისთვისაც იქნება განკუთვნილი მედალი. დიზაინში გათვალისწინებულია ბელარუსის კულტურის, ტრადიციების თუ ბუნების ელემენტები.

წყარო: საქართველოს ეროვნული ოლიმპიური კომიტეტი

ყაზახეთის თასი. ჯაბა კანკავა ძირითად შემადგენლობაში გამოვა. კვეკვესკირი სათადარიგოა (ფოტო)

 

  • 4